Home » Навiны » Зімовыя канікулы скончыліся…

Зімовыя канікулы скончыліся…

Карысна, весела і пазнавальна правялі свае зімовыя канікулы вучні 6 “М” класа. У гімназіі 27 снежня адбыўся традыцыйны навагодні брэйн-рынг, на якім яны змаглі напоўніцу павесяліцца, праявіць сваю эрудыцыю, а таксама творчыя здольнасці падчас выканання музычнага віншавальнага нумара-падарунка для ўсіх прысутных. 3-е месца ў спаборніцтве, несумненна, узрадавала нас.

29 снежня вучні змаглі наведаць кінатэатр “Эра” і паглядзець анімацыйны фільм “Тры багатыры і падводны цар”.

3 студзеня мы паехалі на экскурсію ў Літаратурны музей Максіма Багдановіча. Чаму менавіта туды? Прычын тут некалькі: нядаўняе 125-годдзе з дня нараджэння пісьменніка, завяршэнне рамонту ў музеі, а таксама маляўнічае Траецкае прадмесце, у якім той знаходзіцца. Усім даспадобы прыйшлася 45-хвілінная экскурсія, падчас якой таленавіты экскурсавод не даваў сумаваць, уражваючы нас чарговым незвычайным фактам з жыцця і творчасці паэта. Здзівілі нас вірыны і люстэркі, якія “ажывалі” ад націску нябачных кнопак. Вучні змаглі віртуальна “пагартаць” адзіны прыжыццёвы зборнік М. Багдановіча “Вянок”, а ў апошняй зале – нават пачуць шум мора і крыкі чаек, каб “перанесціся” ў Ялту, дзе прайшлі апошнія дні паэта.

Зімовыя канікулы ўзбагацілі вучняў 6 “М” духоўна, загартавалі фізічна і ўмацавалі яшчэ больш наш дружны калектыў.

К.А. Мінько, класны кіраўнік 6 “М” класа


Leave a comment

Ваш адрес email не будет опубликован. Обязательные поля помечены *

Герб i Сцяг

Спасылкі

Cайт Президента Республики Беларусь
ГИАЦ МО РБ
Комитет по образованю МИНГОРИСПОЛКОМА
Официальный сайт Дзержинского райисполкома
АДУКАЦЫЙНЫ ПАРТАЛ
Национальный правовой Интернет-портал Республики Беларусь