Напэўна, кожны чалавек задаваў сабе пытанне: Кім быць?

Такімі словамі распачаў кіраўнік групы кампаній “Ізавак” Уладзімір Якаўлевіч Шырыпаў лекцыю, якая праводзілася ў рамках навукова – адукацыйнага семінара кафедры энергафізікі фізфака БДУ. Сярод слухачоў былі студэнты фізфака, зацікаўленыя людзі і вучні нашай гімназіі.

Лектар распавёў, як станавілася і чым займаецца яго кампанія ад пачатку і да сённяшняга часу. На прыкладзе свайго асабістага вопыту вядзення бізнеса ў галіне навуковых распрацовак Уладзімір Якаўлевіч прапанаваў сваё бачанне дасягнення поспеху ў бізнесе і ў эканоміцы наогул: гэта праца па схемах

Вучоны – Інжэнер – Бізнесмен

або

Бізнесмен – Інжэнер – Вучоны.

Выбар схемы залежыць, ад таго, ад каго менавіта зыходзіць тая ці іншая ініцыятыва. Але, падкрэсліў лектар, вельмі важна, каб пэўнай справай займалася менавіта Каманда  (Вучоны – Інжэнер – Бізнесмен, Бізнесмен – Інжэнер – Вучоны), дзе кожны – прафесіянал у сваёй справе.

І таму правільней задаваць пытанне не Кім быць? а З кім быць?

“Калі збіраюцца прафесіяналы з розных галін, аб’ядноўваючыся ў адну каманду, тады можна дасягнуць поспехаў у бізнесе”. – У. Я. Шырыпаў.

Таксама вельмі цікавым аказалася апісанне тэхналогій вырабу тонкіх плёнак для сонечных элементаў і не толькі для іх. Скончылася лекцыя шматлікімі пытаннямі слухачоў да Уладзіміра Якаўлевіча.

 Настаўнік фізікі А.П. Бычкевіч