Home » Навiны » 13 мая гімназічная субота прайшла пад дэвізам “Здаровы я – здаровая краіна!”.

13 мая гімназічная субота прайшла пад дэвізам “Здаровы я – здаровая краіна!”.

Навучэнцы 5-11 класаў сталі ўдзельнікамі Дня здароўя “Здаровы я – здаровая краіна!”, у рамках якога былі арганізаваны: турнір па футболе сярод хлопчыкаў (5, 8 класы), турнір па валейболе (6, 7, 9 класы), спаборніцтвы па шашках, шахматах, настольным тэнісе. Віншуем хлопчыкаў 5 “А” класа з перамогай у гімназічным першынстве па футболе!

У суботні дзень працавалі секцыі і аб’яднанні па інтарэсах спартыўнай накіраванасці – “Спартыўныя гульні”, “Белая ладдзя”, “Шахматы” (ФАЦ “Адзінства”), “Таеквандо”. Гімназісты таксама наведалі наступныя аб’яднанні па інтарэсах – “Робататэхніка”, “Давайце патанцуем”, “Гімназічны тэатр”, “Гімназічнае ТБ” і інш.

Прайшлі заняткі міжшкольных педагагічных класаў, заняткі школы ранняга развіцця, заняткі па падрыхтоўцы да ўступных іспытаў у 5 класы гімназіі, заняткі па падрыхтоўцы да ЦТ (матэматыка), кансультацыі па вучэбным прадмеце “Беларуская мова”, факультатыўныя заняткі музычнай накіраванасці.

У бібліятэцы гімназісты змаглі пазнаёміцца з літаратурай і выданнямі ў рамках наступных кніжных выстаў: “Галоўныя сімвалы краіны” (да Дня Дзяржаўнага герба і Дзяржаўнага сцяга РБ (08.05)), “І будзе жыць Хатынь”, выстава да 70-годдзя Р. Баравіковай (11.05.1947) і інш.

Навучэнцы 3 “В”, 3 “М” класаў у шосты школьны дзень прынялі ўдзел у мерапрыемстве “Тата, мама, я – чытаючая сям’я” (да Міжнароднага дня сям’і (15.05)), а навучэнцы 6 “А” класа – у пазнавальнай гадзіне “Пагутарым пра здароўе”.

У рамках гімназічнай суботы нашы навучэнцы таксама сталі ўдзельнікамі шэрагу гарадскіх, раённых і абласных мерапрыемстваў: гарадскога семінару-практыкуму “Дэкаратыўна-прыкладная творчасць: упрыгожванні са скуры”, раённага конкурсу работ даследчага характару (канферэнцыі) навучэнцаў устаноў адукацыі Дзяржынскага раёна, абласной дыстанцыйнай алімпіяды па матэматыцы.

Намеснік дырэктара

па выхаваўчай рабоце Новік А.А.


Leave a comment

Ваш адрес email не будет опубликован. Обязательные поля помечены *

Герб i Сцяг

Спасылкі

Cайт Президента Республики Беларусь
ГИАЦ МО РБ
Комитет по образованю МИНГОРИСПОЛКОМА
Официальный сайт Дзержинского райисполкома
АДУКАЦЫЙНЫ ПАРТАЛ
Национальный правовой Интернет-портал Республики Беларусь