Home » Навiны » Жывая класіка

Жывая класіка

Класік бессмяротны, пакуль яго чытаюць. Бясспрэчная ісціна. Мабыць, не будзе скардзіцца на забвенне Якуб Колас, якому сёлетнім лістападам споўнілася 135 гадоў. Безліч мерапрыемстваў, прымеркаваных да яго юбілею, адбылося і адбываецца ва ўсёй краіне. Наша гімназія не выключэнне. Акрамя віктарын, класных гадзін і квеста па жыцці і творчасці Канстанціна Міцкевіча (ён жа Якуб Колас), які мяркуецца правесці ў самым хуткім часе, 15 лістапада адбылася акцыя “Гімназія чытае Коласа”. Яшчэ не забыліся ўражанні ад кастрычніцкага пранікнёнага чытання твораў юбіляркі Марыны Цвятаевай, як ў гімназічным доме загучала магутнае Коласава слова – беларускае, простае, шчырае, глыбокае… Для чытання аматары паэзіі маглі выбраць любы твор пісьменніка. І як цудоўна, што чыталіся самыя розныя вершы: сумныя і вясёлыя, жартаўлівыя і сур’ёзныя, лірычныя і грамадзянскія, дзіцячыя і “дарослыя”… Ад пяцікласнікаў да выпускнікоў – удзельнікі акцыі былі любога ўзросту. Нават першакласніца Ксенія Хацкевіч расказала на памяць любімы верш паэта. Не засталіся ў баку і настаўнікі славеснасці. Яны з задавальненнем прадэманстравалі выдатнае валоданне родным словам, што было няцяжка зрабіць на матэрыяле вывераных часам вершаў Якуба Коласа. Акцыя праводзілася ў форме свабоднага мікрафону, і таму была адкрытай, мабільнай, сучаснай. Яна стала сапраўдным святам для членаў клуба “Крынічка”, пацвердзіла тое, што творы класіка заўсёды гучаць актуальна, нават у 21 стагоддзі. Дзякуй усім арганізатарам і актыўным удзельнікам мерапрыемства. Думаецца, яно прыжывецца ў сценах гімназіі г. Дзяржынска.
Мінько Кацярына Адяксандраўна, настаўнік белаурскай мовы і літаратуры.


Leave a comment

Ваш e-mail не будет опубликован. Обязательные поля помечены *

Герб i Сцяг

Спасылкі

Cайт Президента Республики Беларусь
ГИАЦ МО РБ
Комитет по образованю МИНГОРИСПОЛКОМА
Официальный сайт Дзержинского райисполкома
АДУКАЦЫЙНЫ ПАРТАЛ
Детский правовой сайт
Национальный правовой Интернет-портал Республики Беларусь