Home » Галерэя » Пазнаем, вывучаем, любім…

Пазнаем, вывучаем, любім…

У гімназіі ў гэтым годзе польскую мову вывучаюць 44 вучні. Заняткі праводзіць настаўніца польскай мовы Шчарбіна Браніслава Ўладзіміраўна па суботах па 2 гадзіны для кожнага гуртка, а ўсяго іх у нас тры. У гуртку “АВС” 13 пяцікласнікаў, да іх далучаюцца 3 шасцікласнікі, якія толькі пачынаюць вывучаць польскую мову. Гурток “Miłośniki języka polskiego” наведваюць 9 вучняў з шостых класаў і 2 вучні з восьмага і дзесятага класаў. У гуртку „Lingwista” займаюцца 11 сямікласнікаў і 6 васьмікласнікаў. Стараемся, каб заняткі праходзілі цікава і займальна, праз гульні і забавы ідзе навучанне польскай мове. У пачатку навучальнага года вучні адпраўляюцца ў завочнае падарожжа па Польшчы, гэта значыць, знаёмяцца з яе геаграфічным становішчам, з гісторыяй краіны, дзяржаўнай сімволікай, чытаюць і расказваюць легенды і паданні.
Цікава, што ў гэтым годзе тэму “Мінск – сталіца Беларусі” ў старэйшых класах мы пачалі вывучаць якраз падчас свята горада Мінска і пабывалі на экскурсіі ў нашай сталіцы.
Дарэчы, гэтым летам, у чэрвені 14 вучняў з нашай гімназіі змаглі пабываць ў сапраўдным падарожжы ў Польшчы і нават больш: мы адпачывалі ў польскім лагеры аж два тыдні! Усё гэта дзякуючы таму, што мы не толькі вывучаем мову суседняй краіны, а штогод прымаем актыўны ўдзел у розных конкурсах, з’яўляемся іх пераможцамі і дыпламантамі.
Традыцыйна восенню ў Мінску праходзіць рэгіянальны конкурс чытальнікаў вершаў польскіх паэтаў імя Адама Міцкевіча. На гэты раз да конкурсу падрыхтавалася 5 вучняў
(Бортнік Анастасія, 5 А кл., Макарэвіч Ганна, 6 Б кл., Біруля Барыс, 8 Б кл., Кміт Карына, 8 М кл. і Давыдаў Уладзіслаў, 10 А кл.), з іх 3 вучні занялі прызавыя месцы.

У гэтым навучальным годзе мы асабліва старанна ўзяліся за вывучэнне гісторыі Польшчы, таму што нельга было абысці такую значную дату, як 100-годдзе незалежнасці Рэспублікі Польшча.
У 1795 годзе Польшча страціла незалежнасць у выніку падзелу паміж Расіяй, Прусіяй і Аўстра-Венгрыяй. Пачаўся цяжкі перыяд у жыцці польскага народа, напоўнены ўзброенай барацьбой і змаганнем за захаванне мовы і культуры. XIX стагоддзе ў гісторыі Польшчы – гэта не толькі даты нацыянальных паўстанняў, але таксама жыццё і дзейнасць народных герояў, славутых пісьменнікаў, мастакоў, вучоных.
Асобай, якая адыграла значную ролю ў вяртанні незалежнасці Польшчы, стаў Юзаф Пілсудскі. Ён быў для польскага народа сімвалам непахіснай барацьбы за незалежнасць супраць усіх акупантаў. Палякі зразумелі, што ў барацьбе за свабоду яны могуць разлічваць толькі на ўласныя сілы. 11 лістапада 1918 года Пілсудскі становіцца Начальнікам Дзяржавы, а таксама камандуючым узброеных сіл. Гэтая сімвалічная дата і адзначаецца ў Польшчы як Свята Незалежнасці.
10 лістапада ўсе вучні нашай гімназіі, якія вывучаюць польскую мову, сабраліся ў святочна прыбраным кабінеце, каб адзначыць надыходзячае Свята Незалежнасці. На свята былі запрошаны дырэктар гімназіі Паўхлеб Л. С., намеснік дырэктара Мігура Г.Я. і бацькі вучняў.
Старшакласнікі вялі аповед аб шматпакутным змаганні польскага народа за сваю незалежнасць, іншыя вучні чыталі вершы аб Польшчы і яе народных героях, слухалі і спявалі песні часоў змагання, а ў канцы сустрэчы ўсе прысутныя праспявалі Дзяржаўны Гімн Рэспублікі Польшча “Mazurek Dąbrowskiego”.
Настаўніца польскай мовы Шчарбіна Б. У. правяла віктарыну па гісторыі Польшчы. Лепшыя знаўцы гісторыі былі адзначаны невялічкімі падарункамі.


Leave a comment

Ваш e-mail не будет опубликован. Обязательные поля помечены *

Герб i Сцяг

Спасылкі

Cайт Президента Республики Беларусь
ГИАЦ МО РБ
Комитет по образованю МИНГОРИСПОЛКОМА
Официальный сайт Дзержинского райисполкома
АДУКАЦЫЙНЫ ПАРТАЛ
Детский правовой сайт
Национальный правовой Интернет-портал Республики Беларусь