Home » Навiны » Экскурсія ва ўніверсітэт грамадзянскай абароны Міністэрства па надзвычайных сітуацыях Рэспублікі Беларусь

Экскурсія ва ўніверсітэт грамадзянскай абароны Міністэрства па надзвычайных сітуацыях Рэспублікі Беларусь


19 снежня  навучэнцы гімназіі наведалі ўніверсітэт грамадзянскай абароны МНС РБ, які знаходзіцца ў г. Мінску.

Наша знаёмства пачалося з аповеда пра ўніверсітэт, яго чыннасць, факультэты і правілы паступлення. Гутарка праходзіла ў форме дыялогу паміж навучэнцамі і выступоўцам, дзе кожны ахвотнік мог задаць цікавыя пытанні, датычныя паступлення ці навучання ва ўніверсітэце.

Асноўнай часткай гутаркі стала экскурсія па  ўніверсітэце, падчас якой мы пазнаёміліся з умовамі навучання і побытам курсантаў, з сучаснай навучальнай базай установы, наведалі спецыялізаваныя лабараторыі, абсталяваныя сучасным абсталяваннем, макетамі, трэнажорамі, пабывалі ў музеі ўніверсітэта, дзе пазнаёміліся з гісторыяй стварэнні пажарнай часткі, інфармацыйна-бібліятэчны  цэнтры, у якім абсталяваны асобныя месцы для працы з навучальна-метадычнымі дапаможнікамі, электроннымі дакументамі, спецыяльнай і мастацкай літаратурай. У навучальных аўдыторыях і спецыялізаваных лабараторыях мы  атрымалі магчымасць наблізіцца да рэальных сітуацый, створаных з дапамогай спецыяльнага абсталявання,  з якімі даводзіцца сутыкацца  працаўнікам МНС у рэальным жыцці.  Таксама мы пабывалі ва  ўпарадкаваным інтэрнаце, у якім жывуць курсанты,  сталовай, наведалі манеж.

Пачынаючы з другога курса курсанты нясуць службу ў навучальнай пажарнай частцы, што ўваходзіць у склад навучальнай установы, выязджаючы па трывозе на пажары і ліквідацыю надзвычайных сітуацый.  Такі выезд змаглі ўбачыць і мы, калі падчас экскурсіі нечакана прагучаў сапраўдны сігнал трывогі. Усяго некалькі хвілін спатрэбілася курсантам для падрыхтоўкі да выезду на  месца пажару.

Нас пазнаёмілі з традыцыяй універсітэта: пры выхадзе з музея кожны, хто хоча паступіць ва ўніверсітэт  на навучанне, павінен адзін раз стукнуць у пажарны звон і тады яму абавязкова будзе спадарожнічаць поспех. У той дзень звон прагучаў не адзін раз, і мы спадзяёмся, што мы будзем курсантамі гэтай установы.

Вучаніцы 10 класа Аль Батран Салі, Пякарчык Марыя, Янкоўская Аліна


Leave a comment

Ваш адрес email не будет опубликован. Обязательные поля помечены *

Герб i Сцяг

Спасылкі

Cайт Президента Республики Беларусь
ГИАЦ МО РБ
Комитет по образованю МИНГОРИСПОЛКОМА
Официальный сайт Дзержинского райисполкома
АДУКАЦЫЙНЫ ПАРТАЛ
Национальный правовой Интернет-портал Республики Беларусь