Хлопчыкі і дзяўчаткі,

Збірайцеся хутчэй!

Зімовыя канікулы

Павінны быць ярчэй!

Вы ўсе адпачываеце,

Няма ў вас заняткаў,

Павінны вы пабачыць:

Як там, у “Вясёлай хатке”.

Чароўныя героі,

Снягурка і Дзед Мароз

Сустрэнуць “хлебам-соллю”,

Падораць смеху воз.

Вы будзеце смяяцца,

Блінамі частавацца,

Збірайцеся ў дарогу-

Аўтобус у дапамогу !

          Весела і з карысцю вучні 4 “В”, 4 «Г»,2 «В», 2 «Г» і 1 “Г» класаў праводзяць зімовыя канікулы. Восьмага студзеня 2020 года яны наведалі сядзібу “Вясёлая хата”, якая знаходзіцца ў вёсцы Калюга Капыльскага раёна.

          Хлопчыкі і дзяўчынкі з задавальненнем частаваліся смачнымі салодкімі блінамі, каталіся на брычцы, запрэжанай коньмі, танцавалі пад вясёлую музыку, гулялі па тэрыторыі сядзібы, любуючыся мясцовай прыродай. Казачныя персанажы распальвалі вогнішча, а дзеці грэліся каля яго і слухалі аповяд пра старадаўнія беларускія абрады, такія як: Купалле, Масленіца, Каляды. Потым хлопчыкі і дзяўчаткі вельмі актыўна прымалі ўдзел у конкурсах, пераможцы атрымлівалі прызы. Дрэнны Санта схаваў Дзеда Мароза і мяшок жаданняў, зачараваў Снягурку, а дзеці дапамаглі вярнуць усё на свае месцы. Дзякуючы гэтай прыемнай атмасферы, вучні разам са сваімі настаўніцамі акунуліся ў свет прыгод і добрага настрою, зарадзіліся весялосцю і пазітывам на астатнія дні зімовых канікул.

                                                                         Паўлоўская Дар’я, 4 “В” клас