Home » Навiны

Category Archives: Навiны

Расклад заняткаў міжшкольнага педагагічнага класа 19 верасня

10 клас
9.00-10.30 уводзіны ў педагагічную прафесію кабінет 22
10.45-12.15 гісторыя Беларусі кабінет 21
12.30-14.00 беларуская мова кабінет 23
руская мова кабінет 27
11 клас
9.00-10.30 гісторыя Беларусі кабінет 21
матэматыка кабінет 28
10.45-12.15 беларуская мова кабінет 23
руская мова кабінет 27
12.30-14.00 уводзіны ў педагагічную прафесію кабінет 22

Ідэальная сям’я вачыма гімназістаў

Ці існуе такая з’ява ў 21 стагоддзі ўвогуле? Над гэтай тэмай задумаліся вучні 10-11 класаў падчас дэкады “У коле сям’і нараджаецца душа”, якая праходзіла ў гімназіі ў верасні. Вучнёўскія эсэ паказалі, што юнакам і дзяўчатам ёсць што сказаць  пра ідэальную сям’ю . Вось вытрымкі з іх разважанняў.

Для мяне ідэальная сям’я пачынаецца з саюза, створанага па жаданні. На мой погляд, абсалютна няма сэнсу сыходзіцца з партнёрам, калі хтосьці адзін не мае пачуццяў да іншага. Падабенства поглядаў, жыццёвых пазіцый, прынцыпаў, талерантнасць, узаемапавага – важныя складнікі шчаслівага саюза. Гэта ж так выдатна, калі абодва давяраюць адзін аднаму, умеюць добра праводзіць час, не прымушаючы што-небудзь рабіць «сілком», а часам і без двукосся…

Ідэальная сям’я – гэта даверлівыя адносіны паміж усімі членамі сям’і, павага інтарэсаў, поглядаў, нават калі яны не супадаюць, павага асабістай прасторы, гатоўнасць дапамагчы і, вядома, каханне…

Марына, 10 клас

У ідэале, вядома, радня па вызначэнні з’яўляецца сям’ёй. Але на жаль, так не ва ўсіх. Існуе мноства сем’яў, якія складана называць гэтым словам…

На жаль, вельмі многія саюзы і шлюбы грунтуюцца на думцы: “Хоць нешта, іншага можа і не быць” –  адсюль непаразуменні, сваркі, гвалт, забойствы і іншыя “дробныя дэфекты” сем’яў…

 

На маю думку,  ідэальная сям’ягэта сям’я, заснаваная не на карыслівых думках і збітага “так прынята”, а на рэальных эмоцыях i даверы. У такой сям’і прасцей будзе абсалютна кожнаму. На шчасце, асабіста мне пашанцавала і я трапіла як раз у такую. Я шчыра спадзяюся, што з цягам часу такіх сем’яў будзе станавіцца ўсё больш…

Кацярына, 10 клас

Ідэальная сям’я – гэта людзі, якія разумеюць адзін аднаго без лішніх слоў. Калі бацькі адчуваюць сапраўдныя пачуцці, гэта прыкметна нават няўзброеным вокам. Пяшчота, з якой тата ставіцца да мамы, іх агульная ўвага да дзяцей. У такой абстаноўцы немагчымы сваркі і канфлікты…

Увесь вольны час сваякі павінны праводзіць разам….

Нават калі ў кагосьці сапсаваўся настрой, блізкі чалавек імкнецца дапамагчы справіцца з цяжкасцямі…

Мне вельмі хацелася б, каб мая сям’я была такой. Але для таго, каб адносіны былі моцнымі і надзейнымі, трэба, каб кожны з родных зразумеў навакольных яго людзей. А гэта не заўсёды атрымліваецца, таму што кожны заняты сваімі справамі і клопатамі…

Станіслаў, 11 клас

Для мяне ідэальная сям’я – гэта калі ў цябе ёсць любячы муж і здаровыя дзеці, якія ніколі ні ў чым не маюць патрэбы…

Гэта самае важнае ў жыцці, найважнейшая апора ў жыцці чалавека…

Усе члены сям’і павінны прыкладаць намаганне для стварэння сямейнага клімату…

 Сямейныя традыцыі вельмі важныя для таго, каб кожны чалавек у сям’і адчуваў сябе яе часткай…

Для мяне вельмі важна, каб у любы сям’і былі давер і паразуменне, любоў і клопат адзін пра аднаго…

Маргарыта, 11 клас

Сямейнае каханне – самае далікатнае пачуццё, але часам яно многіх і раніць, таму што перарастае ў залішнюю прыхільнасць або апеку…

 Ідэальная сямя – гэта павага, падтрымка і гармонія. Дом – гэта тое месца,у якім ты з’яўляешся сабой, ты ведаеш, што цябе прымуць любым, якім бы ты нi быў чалавекам, тваё меркаванне будзе ўлічана і прынята. Пры любых абставінах твая сям’я заўсёды на тваім баку, а калі ты здзяйсняеш памылкі, табе дапамагаюць іх выправіць, накіроўваюць на правільны шлях, але ў той жа час табе даюць свабоду для самарэалізацыі

Для ідэальнай сям’і патрэбна доўгая і ўпартая праца, як над сабой, так і ўсім разам. Трэба навучыцца слухаць, разумець, і прымаць любы пункт гледжання, любога члена сям’і. Таксама трэба разумець, што ў кожнага павінны быць абістыя межы, за якія ні ў якім разе нельга заходзіць. А ўсе праблемы і канфлікты трэба вырашаць словамі, у сямейным коле. Усё гэта робіць сям’ю сапраўднай камандай, якая можа прайсці абсалютна ўсё…

Дарына, 11 клас

Ідэальная сям’я тая, у якой існуе ўзаемаразуменне паміж усімі членамі сям’і, няма гвалту як фізічнага, так і маральнага, накіраванага хоць на аднаго з родзічаў, таксама гэта тая сям’я, дзе ты не адчуваеш дыскамфорту, не адчуваеш, быццам ты лішні ці нешта пагражае твайму жыццю, таксама гэта тая сям’я, дзе да ўсіх ставяцца з павагай і разуменнем, дзе ўсе дапамагаюць адзін аднаму…

Мілана, 10 клас

Мая сям’я – гэта мая ўпэўненасць у сваіх планах і ідэях,гэта ўсеагульная падтрымка і разуменне,гэта спакой і дабрабыт.Часта лаўлю сябе на думцы,што лёс добразычлівы менавіта да тых людзей,якія маюць поўную,здаровую сям’ю.Я ў ліку такіх шчасліўчыкаў.Мне пашанцавала мець магчымасць пераняць мудрасць і вопыт дзядуль і бабуль,адчуць ласку і любоў матулі,навучыцца самастойнасці і мужнасці ў таты…

 Неабходнасць зберагчы сямейную з’яднанасць знаходзіцца у першых радах маіх прыярытэтаў, таму што я добра ведаю,што мае блізкія – гэта фундамент маёй упэўненасці ў сабе…

У свеце галоўнаму сацыяльнаму інстытуту прысвечаны мільёны твораў,і нездарма ,бо менавіта адсюль пачынаецца шлях кожнага чалавека. Абсалютна згодны са словамі вядомага паэта Р.Барадуліна:

Радня — працяг твайго зямнога дня.

Маліся, каб не скора вечарэла,

Каб адзіноту крэўнасцю сагрэла,

Каб ля цябе не зябла дабрыня…

Іван, 11 клас

Ідэальная сям’я – гэта сям’я, у якой няма фізічных, матэрыяльных і духоўных праблем. Усе родныя здаровыя, дома цябе чакаюць і ў халодную зіму, і ў спёку. Дом напоўнены смехам і гутаркай…

Але ідэалу не бывае. Добрай  і дрэннай сям’і таксама няма. Сям’я – гэта месца, дзе табе хораша, і нельга ставіць ёй адзнаку годнасці…

Малання, 10 клас

Ідэальная сям’я – сям’я, дзе ўлічваюцца пажаданні. Сям’я, дзе няма крыкаў, залішняга  кантролю. У доме ідэальнай сям’і хочацца быць, а не ўцякаць. Ідэальная сям’я не робіць галоўнай тэмай для размовы грошы і палітыку. Ідэальная сям’я ходзіць разам пагуляць на вуліцу…

Ангеліна, 10 клас

Я зразумеў, што быць ідэальнай сям’ёй – гэта на самай справе не дасканаласць, а тое, як вы спраўляецеся з праблемамі, з якімі сутыкаецца ваша сям’я…

У ідэальнай сям’і бацька павінен быць асноўным кармільцам – ён валодае бізнесам або зарабляе грошы, якія могуць пакрыць патрэбы яго сям’і. Маці добра клапоціцца пра сваіх дзяцей, гатуе для іх, водзіць у школу і дапамагае ў вучобе. У ідэальнай сям’і двое дзяцей…

Арцём, 11 клас

Сям’я – маленькая радзіма, якую здабывае кожны чалавек з нараджэннем…

Сваёй сям’ёй я магу таксама назваць сваіх сяброў…

Сваю сям’ю трэба берагчы, якой бы яна ні была. Ідэальная яна ці не  – гэта не асабліва важна…

Паліна, 11 клас

Я лічу, што сям’я – гэта адзінае сапраўднае багацце, здольнае зрабіць чалавека самым шчаслівым на нашай планеце…

Усё пачынаецца з любові, таму без яе немагчыма ўявіць ідэальную сям’ю…

У кожнай сям’і свая атмасфера, сваё надвор’е. Атмасфера ідэальнай сям’і вылучаецца клопатам і разуменнем, сумленнасцю і шчырасцю, чуласцю і спагадлівасцю. Яна напоўнена пяшчотай матуліных рук, цеплынёй татавага сэрцв, мелодыяй дзіцячага смеху…

Мая сям’я – гэта мая крэпасць, дзе можна схавацца да навальніцы. Гэта родны маленькі востраў нашай душы, куды заўсёды хочацца вярнуцца. Дзеля маёй сям’і мне хочацца прачынацца раніцай…

Анастасія, 11 клас

Цеплыня, душэўны спакой , падтрымка, клопат аб іншым чалавеку – асноўныя пункты існавання такой сацыяльнай адзінкі, як сям’я…

Трэба любіць іншага члена сям’і не з-за таго, што вы сям’я, а з-за таго, што вы паважаеце яго як асобнага чалавека і хочаце любіць яго. Проста любіць, нічога складанага, бо каб любіць, не трэба прычыны…

Паняцце сям’і вельмі расплылося, забыліся базавыя прынцыпы і правілы не ідэальнай, але добрай сям’і. Мала калі можна сустрэць спраўдную сям’ю, а не падабенства. Таму гэта вельмі важная праблема, і не трэба пра яе забываць…

Яўген, 10 “А” клас

У першую чаргу бацькі павінны быць сябрамі, з якімі іх дзеці могуць падзяліцца сваімі праблемамі і перажываннямі, упэўнена ведаючы, што на іх можна спадзявацца. А дзеці, у сваю чаргу, не павінны замыкацца ў сабе, а дзяліццаўсім з бацькамі, давяраць ім, не хлусіць і не прымушаць бацькоў хвалявацца за іх…

Члены сям’і не павінны саромецца адзін аднаго, а наадварот, старацца паказваць сваю любоў і клопат…

Аляксандра, 11 клас

Ідэальная сям’я не абавязкова павінна быць багатай, галоўане ў ёй клопат пра адзін аднаго, падтрымка ў тыя моманты, калі яна вельмі важная…

Ягор, 10 клас

Сям’я спрыяе не толькі фарміраванню асобы, але і раскрыццю індывідуальнасці…

Для мяне ідэальная сям’я – гэта мая сям’я. Я не ведаю, як апісаць яе. Але з дакладнасцю магу сказаць, што я вельмі люблю сваю сям’ю і мне падабаецца праводзіць з ёю час…

Анастасія, 10 клас

Шчаслівы той, у каго ёсць падтрымка і апора па жыцці, а гэта толькі сям’я можа табе даць…

У будучым я хачу, каб у мяне быў добры, клапатлівы муж. Выбіраючы мужа, ты выбіраеш адначасова і бацьку для сваіх дзяцей. Дзеці – кветкі жыцця!..

Сям’я – неад’емная частка нашага жыцця. Спадзяюся, што ў мяне яна будзе цудоўнай!..

Вераніка, 11 клас

Я лічу, што самы важны складнік сям’і – гэта каханне. Гэта тое, з чаго нараджаецца сям’я. Таксама не менш важным кампанетам  сям’і з’яўляецца павага. Павага іншых членаў сям’і, іх інтарэсаў і асабістай прасторы. Мая сям’я шмат значыць для мяне…

Марыя, 11 клас

Звычайна ад таго, якая ў чалавека была сям’я, залежыць, якім ён стаў. Для мяне мая сям’я – гэта самае важнае ў жыцці…

Ідэальная сям’я – гэта  месца, дзе пануюць каханне і згода. Я вельмі люблю сваю сям’ю…

Данііл, 11 клас

Магчыма, для некаторых добрым рашэннем пазбегнуць канфліктаў у сям’і будзе размеркаваць абавязкі. Галоўнае, каб  кожнаму чалавеку ў сям’і было камфортна. Таму для кожнага чалавека ідэальная сям’я свая…

Назар, 11 клас

Мая сям’я – крыніца дабрыні і спакою. З сям’ёй ты ніколі не застанешся адзін у бядзе. Ідэальная сям’я – гэта павага, каханне і адказнасць. Мне пашанцавала, што сваю сям’ю я магу назваць самым надзейным тылам!..

Аляксандр, 11 клас

Для мяне ідэальная сям’я – гэта тая, у якой ёсць абодва бацькі…

Вельмі важна ў сям’і ўзгадняць фінансавыя пакупкі…

Вельмі важна ў сям’і правільна выхоўваць сваіх дзяцей: бацькі паівнны дапамагаць дзіцяці расці здаровым, добра вучыцца, павінны падтрымліваць яго ва ўсіх добрых пачынаннях…

Ідэальная сям’я заўсёды разам, мае высокія стандарты і ідэалы…

Святлана, 11 клас

Сям’я – гэта важная каштоўнасць у жыцці кожнага чалавека. Месца, дзе ёсць паразуменне паміж бацькамі і дзецьмі, пастаянная вера адзін у аднаго. Дзе няма нараканняў, крыўд і расчараванняў. У такой сям’і заўсёды прысутнічае сумесны адпачынак, хобі, сямейныя вечары праходзяць у цёплай атмасферы…

Для таго каб сям’я стала такой, як вы марыце, заўсёды трэба шукаць у сабе сілы для барацьбы за шчасце. Паспрабаваць дамовіцца, саступіць у чымсьці, быць мяккім, разумна растлумачыць, знайсці ўдалы кампраміс. За сваё шчасце трэба змагацца да апошняга…

Маргарыта, 10 клас

Чытала сачыненні К.А. Мінько, настаўнік беларускай мовы і літаратуры

Сапраўднае бяссмерце, або Да сустрэчы на сайце!

Максім Багдановіч – шмат у чым унікальны беларускі аўтар. Менавіта яму прысвячалі і прысвячваюць свае творы іншыя беларускія пісьменнікі. Вучні нашай гімназіі Тразанаў Мікіта і Юшкевіч Арцём  настолькі захапіліся ідэяй знайсці максімум твораў ПРА Максіма Багдановіча і паглядзець, якім ён паўстае ў вершах, прысвечаных яму, што нават зрабілі сайт на гэту тэму. Усім, каму цікава, запрашаем азнаёміцца з ім і папоўніць свае веды пра выдатнейшага творцу Беларусі ўсіх часоў.  Перайсці на сайт 

Вобраз Максіма Багдановіча у лірычных творах

К.А. Мінько, настаўнік беларускай мовы і літаратуры

Сэлфі па-беларуску

Да Дня беларускага пісьменства ў гімназіі праходзіла акцыя “Сэлфі з любімай беларускай кнігай”. У ёй прынялі ўдзел вучні самыя актыўныя і крэатыўныя вучні рознага ўзросту. Радуе тое, што для многіх з іх кніга на беларускай мове сапраўды з’яўляецца любімай у сённяшні час гаджэтаў. А зараз прапануем паглядзець на тое, што атрымалася!

ІКТ-кампетэнцыі педагога ў STEM-адукацыі

16-18  верасня  на базе STEAM-цэнтра  гімназіі пачаў работу семінар «ІКТ-кампетэнцыі педагога ў STEM-адукацыі», які арганізаваны Мінскім абласным інстытутам развіцця адукацыі. Удзельнікі семінара  – педагогі Дзяржынскага раёна, якія зацікаўлены ва  ўкараненні сучасных тэхналогій у адукацыйны працэс. Падчас семінара педагогі пазнаёмяцца з канструяваннем робататэхнічных прылад на аснове Arduino, даведаюцца, як праграмаваць робатаў на базе канструктараў Lego Mindstorms EV3, набудуць першапачатковыя навыкі распрацоўкі камп’ютарных гульняў сродкамі межплатформеннага асяроддзя Unity.  

Герб i Сцяг

Спасылкі

Cайт Президента Республики Беларусь
ГИАЦ МО РБ
Комитет по образованю МИНГОРИСПОЛКОМА
Официальный сайт Дзержинского райисполкома
АДУКАЦЫЙНЫ ПАРТАЛ
Национальный правовой Интернет-портал Республики Беларусь